你阿晓得山歌啥人想出来的，为啥只听得山歌声，看勿着山歌书？
听老人讲，山歌是汉朝张良想出来的，他自己编了一本山歌书，别的事体勿做，专门唱山歌。日唱唐僧取经正经事，夜唱哥妹两人结私情。
有一日，他摇只船，四面八方去唱山歌，一个村一个村游转来唱，一唱唱了十八年。后来，张良摇船兜回到自家村上，上岸看见一个标致姑娘在棉花田地锄草。张良就唱：
“啥人拉格田来啥人拉格地？
啥人拉格媛圄勒拉榻花地？
若肯搭张良眠一夜，包夏穿绫罗冬着皮。”
张良一个人在外头十八年，一直勿梳理，弄得蓬头散发的，胡子拉渣，身上衣衫破烂，姑娘一看，晓得面前这个人就是张良，就回答他几句：
“张良拉田来张良拉地，张良拉媛圄勒拉榻花地，
娘跟眠半世，匣勿曾夏穿绫罗冬着皮。”
张良方才晓得这个姑娘就是自己的女儿，出去十八年，女儿已经是个大姑娘了，今朝自己怎么这样糊涂，唱歌讨自己女儿便宜，阿要没趣，今后出去还有啥面子做人？就烧了山歌书，跳落河，套死在菱荡桩上。 |
